تحميل رواية ليلة قيس pdf فاطمة طلال

442

تحميل رواية ليلة قيس pdf فاطمة طلال

تحميل رواية ليلة قيس pdf فاطمة طلال

تحميل رواية ليلة قيس pdf فاطمة طلال

اسم الكتاب : تحميل رواية ليلة قيس pdf فاطمة طلال

الكاتب : فاطمة طلال

التصنيف : روايات عربية

في حارة ضيقة مليانة بيوت جمب بعض وعمارات قديمة كان فيه عمارة من دورين وفي كل دور شقتين.. في الدور التاني كانت عيلة “فرغلي” عايشة.. البيت عبارة عن صالة صغيرة ضيقة ومطبخ يدوب فيه بوتجاز وتلاجة ومكان لواحد فقط يقف فيه واوضتين ‘ اوضة لفرغلي ومراته واوضة تانية لعياله الخمسة وحمام صغير..

فرغلي خارج من الحمام بفانلة بيضة وبنطلون مقطوع وفي رجله شبشب بصباع ومكشر وبيزعق: انتي يا سعاد!! فين الطفح الفطار سعاد بصوت مرهق من الاوضة: يا راجل ابقى شووف الاول قبل ما تجعر من صباحية ربنا كده هتلاقي عندك على الطابلية.. يخرج طفل صغير عمره تمن سنين جري من الاوضة التانية ويزق رجل فرغلي ويدخل الحمام بسرعة ويقفل الباب جامد..

فرغلي بغضب من الزقة ويقول:عيل برص بصحيح ’ ايه خلااااص مش قادر كتك القرف في شكلك خلفة تعر.. الولد الصغير من جوة الحمام:مزنووووق وانت بقالك ساعة جوة مش عارف بتعمل ايه فرغلي بتكشيرة وصوت عالي:اخلص يلاّ عشان تنزل معايا اوديك الورشة للمعلم عفت الولد الصغير:مش لاعب فرغلي:يلا ابن الـ …… مش بمزاجك يا روح امك ! انت كبرت يلاّ ولازم تروح بقى تلقط رزقك.. بتخرج ليلى من جوة الاوضة وبتكون جميلة الملامح ورشيقة الجسم ولابسة حجاب وبلوزة وجيبة طويلة وبتقول: صباح الخير يابا فرغلي وهو عمال ياكل بصلها بعينه ورجع يكمل اكل ليلى:يابا سعد لسه صغير ومش حمل الشغل وبعدين ما انا بدفعله مصاريفه فرغلي بنظرات استنكار:جرى ايه يا بت الـ …. انتي هتذليني عشان كام ملطوش يختي ليلى :يابا انا عمري ذليتك ولا اتكلمت حتى! ده انا بشقى من الصبح لبليل ومتكلمتش! بس بقلك سيب سعد يروح المدرسة .. تخرج سعاد من الاوضة بتعب وارهاق ويكون لبسها مبهدل وجلابيتها مقطوعة ولفة راسها بمنديل وتقول بارهاق: يا صباح يا عليم ’ هو موال كل يوم الصبح ده مبيخلصش! فرغلي بزعيق:انا قلت البرص اللي جوة ده هيشتغل يعني هيشتغل ليلى:طيب انا هديك فلوس بس متخلهوش يشتغل فرغلي بعند:انا قلت كلمة ومش راجع فيها .. وبعدين يكمل بزعيق:ويلا يا ابن الـ …. اخرج من الحمام بدل ما اجي انزلك في السيفون! سعد من جوة الحمام بصوت واطي:اهو يارب انت اللي تنزل في السيفون

 

تحميل مباشر

روابط اخرى

استمتع بقراءة و تحميل رواية ليلة قيس pdf فاطمة طلال

·

Comments are closed.